ကျွန်ုပ်တို့ အကြောင်း
DiOY သည် မြန်မာနိုင်ငံရှိ မသန်စွမ်းသူများ၊ အမျိုးသမီးများနှင့် မိန်းကလေးများ၏ စွမ်းဆောင်ရည်မြှင့်တင်ရေး၊ တန်းတူအခွင့်အရေးနှင့် လူမှုအသိုက်အဝန်းအတွင်း အဓိပ္ပာယ်ပြည့်ဝစွာ ပါဝင်နိုင်ရေးကို မြှင့်တင်ဆောင်ရွက်သည့် အခွင့်အရေးအခြေပြု အကျိုးအမြတ်မယူသော အဖွဲ့အစည်း ဖြစ်ပါသည်။
DiOY သည် ကျွမ်းကျင်မှုဖွံ့ဖြိုးတိုးတက်ရေး၊ အလုပ်အကိုင်နှင့် အသက်မွေးဝမ်းကျောင်းအခွင့်အလမ်းများ တိုးမြှင့်ရေး၊ လက်လှမ်းမီနိုင်မှု မြှင့်တင်ရေးနှင့် လူ့အခွင့်အရေးများ အကောင်အထည်ဖော်နိုင်ရေးကို အားပေးဆောင်ရွက်လျက်ရှိပါသည်။ မသန်စွမ်းသူများ၏ အဖွဲ့အစည်းများ (OPDs)၊ အရပ်ဘက်လူမှုအဖွဲ့အစည်းများနှင့် ဖွံ့ဖြိုးရေးမိတ်ဖက်များနှင့် ပူးပေါင်းကာ လူတိုင်း တန်းတူညီမျှစွာ ပါဝင်နိုင်ပြီး ဂုဏ်သိက္ခာရှိစွာ နေထိုင်နိုင်သော လူမှုအသိုက်အဝန်း တစ်ရပ်ကို တည်ဆောက်ရန် ကြိုးပမ်းလျက်ရှိပါသည်။ DiOY ၏ လုပ်ငန်းဆောင်ရွက်မှုများသည် အရည်အသွေး (Quality)၊ လေးစားမှု (Respect)၊ ယုံကြည်မှု (Trust) နှင့် တန်းတူညီမျှမှု (Equality) ဟူသော အခြေခံတန်ဖိုး (၄) ရပ်ကို အခြေခံ၍ ဆောင်ရွက်လျက်ရှိပါသည်။
အဓိက မဏ္ဍိုင် (၃)ခု
အဖွဲ့ဝင်များ၏ ဖွံ့ဖြိုးမှုတိုးတက်မှုနှင့် စွမ်းဆောင်ရည်ပြည့်၀စေရေး
အရည်အသွေးပြည့်၀သော ဝန်ဆောင်မှုများ တိုးချဲ့ဆောင်ရွက်ခြင်း
ရည်မှန်းချက်တူညီသော အဖွဲ့အစည်းများနှင့် ခိုင်မာသော ဆက်ဆံရေး တည်ဆောက်ခြင်း
who we areOur Vision & Mission
ကျွန်ုပ်တို့၏ မျှော်မှန်းချက်
DiOY သည် အမျိုးသမီးများ၊ မိန်းကလေးများနှင့် မသန်စွမ်းသူများအား စွမ်းဆောင်ရည်မြှင့်တင်ပေးကာ လူမှုဘဝတွင် တက်ကြွစွာ ပါဝင်ဆောင်ရွက်နိုင်ပြီး တန်းတူညီမျှ အသိအမှတ်ပြုခံရသည့် ပူးပေါင်းပါဝင်ခွင့်၊ တန်းတူညီမျှမှုနှင့် လူမှုသဟဇာတဖြစ်မှုကို မြှင့်တင်ပေးသော အခွင့်အရေးအခြေပြု အဖွဲ့အစည်းတစ်ခုအဖြစ် ငါးနှစ်အတွင်း ရပ်တည်သွားမည်။
အမျိုးသမီးများ၊ မိန်းကလေးများနှင့် မသန်စွမ်းသူများ၏ ကျွမ်းကျင်မှုများကို မြှင့်တင်ပေးခြင်း၊ အလုပ်အကိုင်အခွင့်အလမ်းများ ဖန်တီးတိုးမြှင့်ပေးခြင်းနှင့် လူမှုအသိုင်းအဝိုင်းအတွင်း ပါဝင်ဆောင်ရွက်မှုနှင့် အသိအမှတ်ပြုမှုများကို မြှင့်တင်ပေးခြင်းအားဖြင့် ပါဝင်ခွင့်ရှိပြီး တန်းတူညီမျှသော လူမှုအသိုင်းအဝိုင်းတစ်ခု တည်ဆောက်ရန်။
ကျွန်ုပ်တို့၏ ရည်မှန်းချက်
ပန်းတိုင်
ကျွမ်းကျင်မှုဖွံ့ဖြိုးတိုးတက်ရေး၊ အလုပ်အကိုင်အခွင့်အလမ်းများ တိုးမြှင့်ရေးနှင့် လူထုအသိပညာ မြှင့်တင်ရေးတို့မှတစ်ဆင့် အမျိုးသမီးများ၊ မိန်းကလေးများနှင့် မသန်စွမ်းသူများအား စွမ်းဆောင်ရည်မြှင့်တင်ပေးပြီး တက်ကြွစွာ ပါဝင်နိုင်ကြကာ တန်းတူညီမျှစွာ အသိအမှတ်ပြုခံရသော ပါဝင်ခွင့်ရှိသည့် လူမှုအသိုင်းအဝိုင်းတစ်ခု တည်ဆောက်ရန်။
