Our Course မြန်မာ့လက်သင်္ကေတပြဘာသာစကား (MSL) အခြေခံအဆင့် သင်တန်း
Disability Inclusion Oriented Yatwonthit Co., Ltd. (မသန်စွမ်းသူများအားလုံး ပါဝင်နိုင်ရေး ဦးတည်သော ရပ်ဝန်းသစ် ကုမ္ပဏီလီမိတက်) မှ ဖွင့်လှစ်သည်
နားမကြားသူများနှင့်ပြောဆိုဆက်သွယ်ရေးလွယ်ကူစေရန် အားလုံးပါဝင်သောအသိုက်အဝန်းဆီသို့ရောက်ရှိရန်ရည်ရွယ်ပြီး သင့်ကိုဖိတ်ခေါ်လိုက်ပါသည်။
မသန်စွမ်းမှုဆိုင်ရာနှင့် လက်သင်္ကေတပြဘာသာစကားကျွမ်းကျင်သူများက သင်ရိုးညွှန်းတမ်းရေးဆွဲထားသော ဤ MSL အခြေခံသင်တန်းသည် မြန်မာနိုင်ငံရှိနားမကြားသူများနှင့် အဆင်ပြေစွာ ပြောဆိုဆက်သွယ်နိုင်မည်ဟု ယုံကြည်ပါသည်။ နားမကြားသူများနှင့် ၎င်းတို၏ ဓလေ့ထုံးစံ၊ ယဉ်ကျေးမှုများကို ပိုမိုသိရှိလာစေရန်လည်း ထည့်သွင်းသင်ကြားပေးနေပါသည်။
သင်တန်း၏ ရည်ရွယ်ချက်များ- ပညာရှင်အဆင့် လက်သင်္ကေတပြဘာသာစကား စကားပြန်/ဘာသာပြန်ခြင်းစွမ်းရည်
ဤသင်တန်း၏ အဓိကရည်မှန်းချက်မှာ သင်တန်းသားများအား ဘာသာစကား အခြေခံ ဗဟုသုတ လုံးဝမရှိသည့် အခြေအနေမှ နေ့စဉ်သုံး ရိုးရှင်းသော စကားပြောဆိုမှုများ ပြုလုပ်နိုင်သည်အထိ တိုးတက်စေခြင်းဖြင့် လူမှုရေးနှင့် လုပ်ငန်းခွင် ပတ်ဝန်းကျင် နှစ်ခုစလုံးတွင် ပိုမိုပါဝင်နိုင်သော ပတ်ဝန်းကျင်ကို မြှင့်တင်ပေးရန် ဖြစ်ပါသည်။
သင်တန်းပြီးဆုံးပါက သင်တန်းသားများသည် အောက်ပါတို့ကို ရရှိသွားနိုင်မည်။
MSL အက္ခရာများကို ကျွမ်းကျင်စွာ အသုံးပြုခြင်း
မြန်မာအက္ခရာများကို လက်သင်္ကေတပြဘာသာစကားဖြင့် စာလုံးပေါင်းခြင်း (pt fluently / စာလုံးပေါင်းမှန်လားပြန်စစ်ရန်) ကို ကျွမ်းကျင်စွာပြသသွားနိုင်လိမ့်မည်။
အခြေခံ ဝေါဟာရများကို အသုံးပြုခြင်း:
နေ့စဉ်ဘဝ၊ နှုတ်ဆက်ခြင်း၊ အချိန်နှင့် နံပါတ်များနှင့် သက်ဆိုင်သော အသုံးများသည့် လက်သင်္ကေတ ၃၀၀ ကျော်ကို နားလည်အသုံးပြုနိုင်ခြင်း။
ရိုးရှင်းသော ဝါကျများ တည်ဆောက်ခြင်း
MSL ၏ အခြေခံ သဒ္ဒါတည်ဆောက်ပုံကို အသုံးပြု၍ ရိုးရှင်းသော မေးခွန်းများနှင့် ဝါကျများကို ဖွဲ့စည်းနိုင်ခြင်း။
နားမကြားသူများ၏ ဓလေ့ထုံးတမ်းများကို လေ့ကျင့်လိုက်နာခြင်း
မြန်မာ့နားမကြားသူများ အသိုက်အဝန်း၏ ယဉ်ကျေးမှုဆိုင်ရာ ဓလေ့ထုံးတမ်းများနှင့် ဆက်သွယ်ရေး နည်းလမ်းများကို နားလည်လေးစားခြင်း။
မည်သူတွေတက်ရောက်သင့်သနည်း
ဤသင်တန်းသည် မသန်စွမ်းသူအားလုံးပါဝင်နိုင်စွမ်း၊ နားမကြားသူများနှင့် ထိရောက်စွာပြောဆိုဆက်သွယ်လိုသူတိုင်းအတွက် မဖြစ်မနေတက်ရောက်သင့်ပါသည်။
ကော်ပိုရိတ် ဝန်ထမ်းများ
အထူးသဖြင့် Customer Service၊ လူ့စွမ်းအားအရင်းအမြစ် (HR) နှင့် အကြီးတန်းတာဝန်ရှိသူများ။
အမြင်ဖွင့်အသိပညာပေးသူများနှင့် ကျောင်းသား/သူများ
နားမကြားသူများ၏ သူငယ်ချင်းများ (သို့) နားမကြားကျောင်းသား/သူများနှင့် ပြောဆိုဆက်သွယ်ရန်လိုအပ်သူများ။
အစိုးရမဟုတ်သော အဖွဲ့အစည်း/ဖွံ့ဖြိုးရေး ဝန်ထမ်းများ
ကွင်းဆင်းလုပ်ငန်းများတွင် နားမကြားသူများနှင့် တိုက်ရိုက်ဆက်သွယ်ရန် လိုအပ်သူများ
မိသားစုနှင့် မိတ်ဆွေများ
နားမကြားသူ၏ မိသားစုဝင်များ၊ နားမကြားသူများကို ပံ့ပိုးကူညီလိုသူများ။
မည်သူမဆို
မသန်စွမ်းသူများ အကျုံးဝင်ပါဝင်စေချင်သည့် ဆန္ဒဖြင့် ဘာသာစကားအသစ်တခုကို လေ့လာလိုသည့် မည်သူမဆို သင်ယူသင့်ပါသည်။